Докторот по рокенрол Милиќ Вукашиновиќ со децении водел бурен живот, а поради пороците неколку пати можелo да дојде до фатален крај, односно смрт. За среќа во несреќа, во последен момент го спасила неговата сопруга Сузана.
Поранешниот музичар на „Индекси“, „Ватрени пољубац“ и „Бјело Дугме“ долго време се борел со алкохолизмот. Почнал да конзумира алкохол поради друштвото, музиката, популарноста и парите, а подоцна тоа станало негов сериозен проблем. Меѓутоа, неговата поранешна сопруга Нина успеала да го извлече од тој пекол и тотално да го смири, но нивното раскинување по пет години тотално го скршило Милиќ, поради што тој повторно се препуштил на пиење. Кога го исфрлила од дома и му земала се што можела, Вукашиновиќ се вратил на порокот.
На Вукашиновиќ во тој период му биле понудени проекти за големи пари, но тој одбил.
Еден ден, наеднаш, преку Фејсбук стапил во контакт со сегашната сопруга Сузана, што очигледно му се допаднало. Иако во тоа време бил психички уништен и нестабилен, успеал да стане и да го продолжи животот со Сузана.
Милиќ на почетокот на нивната забава продолжил да пие, се до моментот кога Сузана му се заканила дека ќе го остави.
„Ма, ја се правев. Тоа е горе-долу познато. Пиев многу. Не знаев за себе. Се брукав, паѓав на земја… И тогаш дојде мојата Сузана, ме спаси и ме дигна од патот. Воопшто не и беше лесно, можеше во секој момент да ме остави, но не го стори тоа. Таа се бореше за нашата љубов до крај. Таа ги претрпе сите мои зла, но верувам дека сега уживаме во тоа. Добро ни е, имаме мирен живот и работиме напорно како сите“, изјави Вукашиновиќ, кој минатата година со сопругата отвори продавница на Зелениот венец во Белград, каде рокерот се покажа како одличен и искусен трговец.
