Пејачката Милица Павловиќ признава дека фантазира за вистинска љубов и за партнерот со кој ќе се омажи, а веќе испланирала како и каде ќе го каже судбоносното „да“.
Иако сè уште не го запознала принцот од соништата, Милица, која е во конфликт со многу колешки од естрадата, точно знае како и каде ќе го каже судбоносното „да“ кога ќе дојде време.
– Едвај чекам да ми се случи вистинска, голема љубов, да најдам личност која ќе ме сака дури и кога ќе ја соблечам сценската шминка и фустанот. Некој кој нема да ме гледа низ видеата и јавните појавувања, туку поради тоа што сум. Некој кој ќе ја почитува мојата кариера, но и мојата личност. Верувам дека душите се препознаваат меѓусебно и дека јас ќе ја препознаам мојата, а таа ќе ме препознае мене – изјави Милица за Информер.
Таа објасни дека досега приоритет им давала на кариерата, песните и концертите, но дека конечно е подготвена да пушти во својот живот некого кој ќе биде нејзина поддршка и потпора.
– Моето постоење сите овие години е оправдано со голема дискографија, сериозни концерти, екскурзии во актерските води и модната индустрија, па дури и романот „Повикот на Јадранот“, а авторката на книгата инспирација пронашла токму во моите песни. Луѓето често забораваат дека и јас имам некои неостварени желби, а мојот најголем сон е љубовта. Ми треба маж кој ќе ме поддржува колку што јас го поддржувам него, не ми е важно дали е од нашите краишта или странец – рече Милица.
Павловиќ откри какви квалитети треба да поседува оној на кого ќе му го каже судбоносното „да“.
– Најважно за мене е тој да ме сака и конечно да му покажам на некого дека и јас знам да сакам. Сакам некој со кого можам да создадам империја. Би сакала да се омажам на море… Свадбата може да биде на Бали, во Атина или во Италија, само да е на море.
Милица нагласи дека не ја губи вербата во љубовта и дека таа е нејзиниот следен голем животен проект.
