Пејачката Милица Тодоровиќ на 3 февруари се оствари во најубавата животна улога – стана мајка на син, кому му го даде името Богдан. Набргу по породувањето, Милица се соочи со тежок период.
Дополнителен стрес предизвикаа информациите за брачниот статус на таткото на нејзиното дете, како и јавното огласување на неговата сопруга, што дополнително ја искомплицира целата ситуација.
Инаку, Милица важи за една од најдуховитите пејачки на домашната естрада и често знае да се пошегува и на своја сметка.
Веселиот дух, по сè изгледа, го носи од дома. Тоа го докажа нејзината мајка Јасмина, која своевремено на Инстаграм објави видеа што насмеаја многумина.
Таткото на пејачката скршил коска на прстот на ногата, а на видеото што го споделила неговата сопруга се гледа како се советува со лекар околу најсоодветниот начин на лекување. Неговата реакција била урнебесна.
View this post on Instagram
– Па што ќе правам сега со него? – го прашал Тодоровиќ докторот.
– Сега ќе одиш да ти стават гипс – му одговорил лекарот.
– Ќути, каков гипс! На тоа не прифаќам – рекол Милан, што ги насмеало сите присутни.
– Јас ѝ велам на докторката има убави очи, а таа пука од смеа. Го гледа прстот, а тој целосно накривен. Ма не давам никој да ме тегне, каков ортопед, не сакам гипс – раскажувал тој низ смеа.
Секако, сè било во шега. Таткото на Милица на крајот сепак прифатил лекарите да му пружат соодветна помош, а видеата, судејќи по коментарите, ги насмеале следбениците на мајката на пејачката.
