Странските медиуми не престануваат да пишуваат дека е виден лав во близина на вилата на Хари и Меган во калифорнискиот град Монтесито. На парот му било наредено да ја заклучат вилата бидејќи нивните кокошки би можеле да бидат лесни мети за опасниот предатор.
Планинскиот лав е фатен на снимката од надзорните камери на осум километри од нивната вила. На снимката се гледа како животното се приближува до нивниот имот, покрај кантите и автомобилите. Експертите заклучиле дека животното се спуштило бидејќи барало храна и вода поради сушата во Калифорнија.
„Фактот што имаме снимка покажува дека жителите го сфаќаат ова сериозно затоа што е снимено со камера на кои ги повикавме жителите да ги инсталираат“, рече извршната директорка на здружението Монтесито Шерон Бирн, додавајќи дека сака сите жители да ги обезбедат нивните домови, кокошарниците, но и комуналниот отпад што животните го пребаруваат.
„Планинските лавови се осамени суштества и на крајот на краиштата, тие не сакаат да бидат околу луѓе, па се надеваме дека овој лав сам ќе го продолжи своето патување“, истакна Шерон.
Меган и Хари ги набавиле кокошките за време на пандемијата, а имаат и две кучиња спасувачи.
„Во соседството има секакви животни – којоти, мечки и елени, но ретко е да се види планински лав“, изјави локален жител за The Sun.
