На наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
– Тоа е таа умешност во кујна кога имаш повеќе од 10 намирници, немаш рецепт и излегува неверојатно вкусна и здрава безглутенска пита со спанаќ и фета сирење – вели шеф Бранко.
Се подготвува толку брзо, и се јаде исто толку.
Земајте намирниците и право во кујна.
Потребни состојки:
300 гр овесно брашно
5 јајца
100 мл овесно млеко
150 гр павлака со ниска масленост
50 мл маслиново масло
2 лажички пециво
фета сирење по вкус
1 мала лажичка хималајска сол
спанаќ
Начин на подготовка:
Во длабок сад, ставете ги брашното, млекото и јајцата. Матете додека не добиете хомогена смеса. Додаде го спанаќот, фета сирењето и павлаката. Мешајте со дрвена лажица да се изедначат состојките. На крај додадете ги останатите намирници и промешајте. Истурете ја смесата во калап за печење обложен со хартија. Печете 15 до 20 минути.
Послужете со јогурт или кисело млеко.
Уживајте во вкусот на оваа безглутенска и здрава пита.
#CookingWithBranko
