Гласините дека Бред Пит се забавува со моделката Емили Ратајковски стигнаа до Анџелина Џоли, пренесува Hollywood Life.
View this post on Instagram
Извор близок до Џоли им кажал на новинарите дека актерката обично ги игнорира вестите за тоа со кого излегува нејзиниот поранешен сопруг. Изворот додава дека 47-годишната ѕвезда е свесна за озборувањата за романсата на Пит и Ратајковски, но се грижи само за тоа како личниот живот на нејзиниот поранешен сопруг може да влијае на нивните заеднички деца. Според инсајдерски информации, Џоли ќе почне да се грижи само ако врската на Пит со новата љубовница стане сериозна.
„Се разбира, оваа вест го привлече вниманието на Анџелина, но не ѝ предизвика проблем. Ако дојде денот кога Бред Пит ќе дојде кај неа и ќе ѝ рече дека сака да им ја претстави својата нова љубов на нивните деца, таа ќе обрне внимание на тоа. Но, до овој момент, таа апсолутно не е заинтересирана за неговите љубовни афери “, сподели инсајдерот.
Пред извесно време во забавните медиуми се појавија гласини за романсата на 58-годишниот Бред Пит и 31-годишната Емили Ратајковски. Според пишувањата на медиумите, тие поминуваат многу време заедно, но формално се уште не се претставиле во јавноста како пар.
