Популарниот фолк-пејач Радиша Трајковиќ-Ѓани се појави во јавност во опуштено расположение на една прослава кај неговата колешка Катарина Грујиќ, и тоа само по неколку дена од неверојатниот инцидент што му се случи на приватна забава.
Имено, пред неколку дена, додека пеел на свадба, еден од гостите премногу се занел од песната, па во екстаза буквално го каснал пејачот за стомакот. Ѓани веднаш побарал медицинска помош, каде што лекарите му ја санирале повредата и го задржале на кратко набљудување.
По повод овој бизарен настан се огласи и неговата сопруга Слаѓа, која откри дека Ѓани морал да прими тетанус и да пие антибиотици бидејќи каснувањето било точно на место каде што имал бенка.
„Човекот го касна, сега ми е смешно, ама тогаш не ми беше. Не беше намерно, тие се познаваат оддамна и се шегувале. Сепак, многу се уплашив. Утре ни е годишнина од бракот, па планирам да му купам кацига, панцир и штит за во иднина“, низ насмевка изјави Слаѓа.
И покрај повредата, Ѓани во придружба на својот син пристигна на промоцијата кај Катарина Грујиќ и не ја симнуваше насмевката од лицето, докажувајќи дека ниту еден забен гостин не може да му го расипе доброто расположение.
