Маја Оџаклиевска пристигна од Белград во родното Скопје и објави фотографија од центарот на градот, која воодушеви многумина.
Маја вечерва (1 септември) ќе настапи на големиот концерт на Хозе Карерас и македонските музички ѕвезди на Плоштад Македонија.
Оџаклиевска на Фејсбук објави фотографија од Скопје со порака „10 години подоцна“, споредувајќи фотографија која е постара, но е објавена на 27 август 2016 со сегашна фотографија од Камениот мост.
Нејзиното враќање во родниот град предизвика емотивни реакции кај нејзините пријатели и следбеници.
„Добредојде дома, ти си најдобрата што некогаш сме ја имале“, „Прекрасна Маја“ и „Маја, убавино“, се дел од коментарите под објавата.
Маја Оџаклиевска ќе настапи во Македонија по подолго време и ќе биде дел од концертот на светски познатиот шпански тенор Хозе Карерас, кој почнува во 20 часот.
