Дани Димитровска на својот инстаграм-профил стара фотографија од Охрид на која е заедно со нејзиниот прерано починат колега и пријател Влатко Илиевски.
„На денешен ден, пред 17 години…“, напиша Дани на фотографијата, на која е во друштво со Илиевски и со пејачот Ѓоко Танески.
Фотографијата е направена во Охрид, за време на фестивалот „Охридски трубадури“.
Објавата разбуди спомени за периодот кога тројцата пејачи беа дел од македонската музичка сцена и често настапуваа на домашните фестивали.
Дани и Влатко не беа само колеги и пријатели, туку соработуваа и музички. Заедно ја снимија песната „Не те можам“, која се најде на првиот соло-албум на Илиевски, „Со други зборови“.
Илиевски почина на 33 години, на 6 јули во 2018 година, само четири дена по неговиот роденден. Неговата ненадејна смрт силно ја погоди македонската музичка сцена, а меѓу колегите кои тогаш јавно се простија од него беше и Дани.
„Влатче брату, немам зборови ни утеха! Само кнедла во грло… Засекогаш ќе ми светиш во срцето“, напиша Димитровска по загубата.
