Ви ја пренесуваме атмосферата од отворањето на 12-то издание на Фестивалот на креативен документарен филм „МакеДокс“, кое се случи вчеравечер во Куршумли-ан.
Во последнива деценија (ако не и две и три…)многу работи се редефинираат во македонското општество, а меѓу другото и терминот елита доживеа драстични трансформации. За жал, новокомпонираната елита почесто ја гледаме на турбофолк-концерти отколку на места каде што се пласира уметност. Веќе ни е познато, елитните слоеви на нашето општество ретко се појавуваат во театар, на културни настани, на креативни фестивали, па така – нив не ги видовме вчера. Но, нашиот фотообјектив ги регистрираше вистинските љубители на филмот и, воопшто на уметноста, кои дојдоа тука, носејќи го со себе својот богат внатрешен свет и лежерна појавност. Па, и самата атмосфера, секако заедно со луѓето кои ја прават, беше вистинско уживање.
фото-Борјан Стојков
