Живкица Каленикова се покажа како одлична домаќинка. Шарматната водителка и новинарка ужива во готвењето, што во неколку наврати го има покажано на социјалните мрежи.
Живкица гостуваше во емисијата „Готвиме со Дракче“ која ја води Драгица Стевковска-Дракче. Таа објави слики од гостувањето на Живкица и до нив напиша:
-Нашата премила Живкица Каленикова радио и тв.водител искусна бо својата работа но и во готвењето. Денес во ,,Гответе со Дракче“ со два специјалитети и многу разговор“, стои во објавата. За нејзината умешност во кујната, Жиле зборуваше во едно интервју за „Слободен печат“.
– Правам преубаво оривче во тавче, она „најбапското“, она што од мајка ми сум го научила како рецепт, растурена сарма, што и јас многу ја сакам, полнетите пиперки што ги обожаваат децата – и јас ги сакам, компир манџа. Зборувам за оние традиционални јадења. Она што уште не можам да го изучам е да ги направам јуфките онака како мајка ми – домашни таљатели, а знам и да месам. Така што, тоа се моменти што ги сакам и ги негувам и денес. А она што денес е дел од модерната кујна, смутиња и други работи се подготвуваат кај нас поради здравје, но тоа не е многу голема филозофија – рече Каленикова.
