Македонската пејачка Туна Сејди повторно го избра Занзибар за своја летна дестинација. По минатогодишниот одмор со синовите Тиан и Зен, 41-годишната пејачка и годинава се врати на егзотичниот остров, од каде сподели фотографии со своите следбеници на Инстаграм.
Туна позираше во краток син фустан, но и во бикини, покажувајќи ја својата витка фигура и препознатливите облини.
На фотографиите таа ужива на песочните плажи и покрај тиркизното море, а судејќи според објавите, оваа дестинација за неа има посебно значење.
Покрај фотографиите од одморот, пејачката сподели и порака за најважната лекција што ја научила во Занзибар.
„Од ‘харака-харака’ до ‘поле-поле’… Занзибар ме научи дека рајот започнува тогаш кога ќе престанеш да брзаш“, напиша Туна.
„Харака-харака“ е израз на свахили што значи „брзо, брзо“, односно „побрзај“, додека „поле-поле“ значи „полека, полека“.
