Српската фолк пејачка Александра Пријовиќ (28) за кратко време стана феномен на Србија и пошироко, откако распродаде три концерти во Белград, а потоа четири во Загреб, каде го најави и петтиот. Пријовиќ ќе пее повеќепати и во Ниш и Сараево, а ќе ја забавува публиката и во Тузла.
Нејзината кариера започна пред повеќе од 10 години, а сега пејачката покажа како изгледала пред јавноста да ја запознае во српското музичко натпреварување „Ѕвездите на Гранд“.
Александра на Инстаграм објави фотографија од 2009 година, неколку години пред да се натпреварува во популарното шоу. Александра тогаш позирала во шарен фустан, а косата ѝ била пуштена и права. И тогаш таа имала долга коса каква што има и денес.
Неодамна на социјалните мрежи почна да се шири видео во кое таа и се претстави на јавноста во пресрет на „Ѕвездите на Гранд“.
@balkan__challenge #foryou ♬ original sound – Bαʅƙαɳ_TιƙTσƙ_Cԋαʅʅҽɳɠҽ
– Здраво, јас сум Александра Пријовиќ и доаѓам од Бел Манастир. Професионално се занимавам со пеење околу три години кога ги снимив моите две песни – рекла пејачката во видеото. Таа раскажала и како отсекогаш сонувала да стане пејачка, поради што и се пријавила во емисијата.
