Фолк пејачот Дадо Полумента се огласи на социјалните медиуми, каде сподели дека ќе ги откаже сите скорешни планови во врска со неговата музичка кариера.
„Драги наши луѓе, за жал, поради итната операција на слепото црево на Алеја, принудени сме да го одложиме објавувањето на албумот и промоцијата закажана за утре“, напиша пејачот на Инстаграм, спомнувајќи ја својата ќерка.
„Датумот на издавање на новиот албум и датумот на промоција ќе го објавиме во догледно време. Ви благодариме за разбирањето“, додаде Полумента.
Моментално, Дадо Полумента е во трет брак, со сопругата Ивона. Во изјава за „Блиц“, тој неодамна раскажа за неговите претходни бракови и за врската со сегашната сопруга.
„Јас толку сакав да имам жена, па буквално направив две катастрофални грешки во животот во тој некој избор, и тоа поради таа желба. Ана Марија и Селма, да. И тогаш во еден момент, баш кога помислив дека веќе никогаш, јас и Ивона си се погодивме енергетски“, изјави Полумента за „Блиц“.
