Пејачката Марија Шерифовиќ синоќа, по повод Осми март, одржа уште еден концерт во Белград, кој во еден момент мораше накратко да го прекине.
Причината беше емотивно изненадување што ја дочека на сцената. Таа на почетокот од концертот му ја посвети песната на Халид Бешлиќ на својот покоен татко Рајко, по што им се обрати на присутните.
Нејзиниот говор беше прекинат кога на големиот екран во салата се појави фотографија од нејзиниот син Марио.
Малиот држеше црвена роза, а над фотографијата стоеше пораката: „Мама Маија, среќен Осми март“. Пејачката беше видно трогната и со солзи во очите им се обрати на членовите од својот тим.
„Немојте да ми го правите ова. Јас треба да работам, а моето его не е среќно кога плачам“, рече Марија Шерифовиќ, па додаде:
„Сонце мое, те гледам. Сонцее! Тој е едно големо сонце! Ете, тргнете го сега веднаш!“
Трогателниот момент го сними пејачката Ана Севиќ и видеото го сподели со кратка порака: „Не останавме без зборови само ние“.
Концертот на Марија Шерифовиќ синоќа од првиот ред го следеше и пејачката Александра Пријовиќ, која во салата се појави во елегантна и скапа модна комбинација.
