Старлетата Станија Добројевиќ повторно е во центарот на вниманието на јавноста, поради шпекулациите дека има нов партнер, за кој се вели дека е богат бизнисмен.
Во исто време, таа потврди и дека преговара за влез во тековната сезона на реалното шоу „Елита“, во кое моментално учествува нејзиното поранешно момче Асмин Дурџиќ.
Станија сега дополнително ги разгоре приказните за својата нова љубов со објавување информации на социјалните мрежи. На својот инстаграм-профил, таа ги сподели текстовите што кружат за неа во последните денови, вклучувајќи детали за мистериозниот бизнисмен со кого наводно е во врска.
„Денес, извештаите укажуваат на нова романса со богат бизнисмен кој е стациониран во Мајами“, напишано е, меѓу другото, во интернет пребарувањето што Станија реши да го сподели со сите.
Да потсетиме, Станија неодамна сподели слики од јахта. Таа позираше во спортска опрема и им покажа на своите следбеници како е да се живее во луксуз.
