Со солзи во очите и осамена, тажно видео какво што не сме навикнати да гледаме од неа, Тијана Дапчевиќ објави на својот инстаграм-профил.
Тијана плаче, ги брише солзите, сама шета низ градот, а потоа го здогледува саканиот и не го поздравува. Пејачката и актерка на прв поглед изненадува со оваа приказна, со оглед на тоа дека важи за ведра и духовита личност.
Ова е дел од спотот на нејзината нова песна „Најскапа“; тажна балада чиј спот е како мини филм, а е снимен во Италија. Во песна, Тијана ги пее следните стихови:
– Дајте уште вино, тагата да ја скршам, и други очи, солзите да ги сокријам. Доаѓам прва и секоја ноќ последна останувам, излажи ме барем дејка ти недостасувам. Се сеќаваш ли љубов, во добро и во зло? Свирете ми ја Цигани, онаа најскапата“.
Под видеото на Инстаграм, Тијана доби многу позитивни критики за оваа балада. „Врв, екстра, најскапа“, се дел од коментарите, а дел од оние што ја фалат се и водителките и новинарки Катерина Тодевска-Спасиќ и Јована Стојменовиќ.
„Топ Тијана“, вели Катерина, а Јована едноставно искоментирала: „Преубаво!“
Целото видео можете да го видите ТУКА.
