Актерот Расел Кроу со неговата 31-годишна девојка Бритни Териот е на одмор во Венеција. Кога излегоа фотографиите во јавноста многу негови фанови коментираа дека актерот се здебелил, а и тој самиот неодамна изјави дека размислува да стави крај на својата актерска кариера по 40 години работа во индустријата.
„Стоите пред огледалото и велите: „Кој е ова по ѓаволите? Сега сум во тој период“, рече тој на 57. Меѓународен филмски фестивал во Карлови Вари во Чешка.
„Ќе го земам Ридли Скот како мој модел: тој сè уште работи и открива нови трендови. Или ќе бидам таков или едноставно ќе престанам и никогаш повеќе нема да слушнете за мене. Не сум одлучил што е тоа. Тоа се два многу валидни избори“, изјави актерот.
Расел стана многу популарен со улогата во филмот „Гладијатор“ од 2000 година, за кој доби Оскар. Тој е познат по бројни филмови како Човек од челик, Прекрасен ум, Робин Худ, Les Miserables и други.
