Водителката Јована Стојменовиќ доби специјално роденденско изненадување кое ја остави без текст.
Јована сподели видео како го отвара подарокот од своите драги колеги, и низ насмевка вели: „Ајде да видиме што ми купиле моите колачиња, дали ме пратиле некаде на некој одмор?“
Во пликото е вредносен ваучер за очила за сонце, а Јована од радост во првиот момент не може да поверува. Потоа ги прегрнува колегите и им вели „браво“.
Згодната водителка на Утринската програма „Ја сакам Македонија“ на ТВ „Сител“ доби многу честитки на нејзината инстаграм-приказна од пријатели, колеги и од сестра ѝ.
Во една прилика, за „Слободен печат“, таа зборуваше за својот карактер и приватен живот.
„Она што искрено го почитувам е одлуката на еден пар да живее онака како што ним им одговара. Сите имаме некоја своја визија за партнерство и таа не треба да се темели на она што ќе го каже некој од страна, туку на она што човек го чувствува. Гаранции нема за ништо. А она што е сигурно е дека човекот има исконска потреба да сака и да биде сакан. И да, постои вечна љубов. Кој може да ви забрани да сакате некого засекогаш?“, рече за својот партнер Јована.
„Искрена сум. Тоа е убава особина. Инаку, би требало да сум таква некаква симпатична личност. Има работи кои се менуваат кај мене и малку по малку, ми се допаѓаат промените, не знам за околината“, рече водителката за себеси.
