„Почитувани, легендата Ангел Џамбаз, неуморно работи за ваше задоволство и убаво расположение. Препознатливиот глас од Тиквешијата допира до вас“, пишува во описот на пејачот од Тиквешко, кој важи за најпознат забавувач од овој крај.
Откако фолк пејачот Спасен Силјановски ги нападна организаторите на Тиквешки гроздобер поради тоа што српски пејачи ќе бидат главни ѕвезди на настанот во Кавадарци, настана вистинска лавина од коментари на социјалните мрежи.
„Па замислете бе луѓе каков е тој Гроздобер без ниту една Тиквешка песна. Гроздобер без ниту еден Македонски фолк изведувач. Гроздобер без кралевите на Тиквешката музика како Анѓел Џамбазот и останати“, напиша Спасен.
Токму Ангел Џамбаз кој го спомена во објавата за настапот во Кавадарци, Спасен го објави на неговиот Фејсбук профил, како пее негова песна.
„Благодарам кралу“, напиша Спасен, а на видеото и на сликите кои и Ангел Џамбаз ги објавил на неговиот Фејсбук профил е целиот облепен со пари, и очигледно е дека песните на Спасен му носат добар бакшиш на пејачот од Тиквешијата.
