Сопругата на Влатко Лозаноски – Лозано, Савка (Сава) Грачанин објави фотографии од нивниот син Марко со специјален повод, иако таа својот приватен живот многу не го експонира, исто како и пејачот.
Повод се првите чекорчиња на малиот Марко, а покрај овие фотографии гордата мајка напишала: „Детуле, лесни чекорчиња”.
Инаку, сопругата на пејачот Влатко Лозаноски – Лозано е неговата старо-нова љубов за која пејачот многу ретко зборува во јавноста.
Тој е во брак со Савка Грачанин со која беше долги години во врска, па потоа беа свршени, па ја раскинаа свршувачката, за по неколку години пак да ѝ дадат шанса на љубовта.
Речиси никој не знаеше дека популарниот пејач и неговата убава сопруга очекуваат син, сѐ до лани, кога пејачот објави дека им се родил Марко, по што следеа многу честитки за приновата.
Слаткиот Марко, Лозано го покажа за првпат пред еден месец кога семејството го прослави неговиот прв роденден и крштевката во Марков Манастир.
Инаку, Лозано вчера објави дека ќе одржи концерт во Скопје, во салата „Борис Трајковски“ на 7 март.
