Снеже Велков, водителката на „Нешто конкретно“, е мајка на два сина што се веќе тинејџери, и е вљубена во својот сопруг Дарко.
Таа е по потекло од Македонска Каменица, и во една прилика за „Слободен печат“ таа рече: „Не бев некое забавно друштво кога бев тинејџерка. Не правев лудости, немам некои анегдоти како мала, и тогаш ги сакав работите што ги сакам и денес – спорт и готвење, па сѐ се вртеше околу тоа.
Никогаш не ми било забавно да прекршувам правила знаејќи дека потоа треба да сносам последици. Секогаш ми било поголем предизвик како да ми биде забавно, а се да биде во рамките на правилата. Но, бев тврдоглава и тоа што ќе го наумев морав да го реализирам.
Можеби затоа и им беше лесно на моите родители со мене, секогаш знаеја што да очекуваат, односно дека нема да прекршам правила, но и беа подготвени дека преговарање со мене околу промена на некоја моја, веќе донесена одлука, е невозможно. Таква сум и денес“, рече Снеже.
Водителката ја објави најтажната слика од Дојран. Таа таму го поминала продолжениот викенд и објавила слика од повелеченото езеро до која напишала: „Ох бре Дојран мил“, и ставила тажен емотикон. Сликата е навистина тажна и грда слика за еден од нашите најпознати туристички центри.
