На 13 септември се омажи поп-рок пејачката Дани Димитровска, за својот сакан со кој е долги години во заеднички живот, поранешниот кошаркар Горан Веселиновски- Весел.
Пејачката блесна во две уникатни венчаници во нејзин стил. На свадбата која повеќе беше како забава пееше нејзиниот колега Ѓоко Танески, со поп и рок хитови.
Тортата била многу уникатна, со цртани младоженец и невеста и срце на неа, а младенците биле многу весели.
Но, она што е најемотивен дел е танцот на невестата со една важна личност, а тоа е нејзиниот син Лазар. Еден од пријателите објавил слика од Дани како танцува со синот.
Ова е втор брак на Дани Димитровска. Весел ја запроси Дани во јуни минатата година, а пејачката тогаш со голема радост ја објави фотографијата на Инстаграм, гордо покажувајќи го свршеничкиот прстен.
Од првиот брак пејачката го има синот Лазар, кој неодамна магистрираше на Универзитетот во Ајндховен. Во средата, Дани и Весел направија регистрација.
