Претседателот на Србија, Александар Вучиќ, како што е познато, има три деца. Данило и Милица ги има од првата сопруга Ксенија, која почина минатиот јануари, додека Вукан е роден во 2017 година, во вториот брак со Тамара. Во јавноста најчесто го гледавме Данило, но и тројцата, генерално, ретко се експонирани.
Сепак, ако таткото е прв човек во една земја, за децата тешко е да се остане анонимен, дури и во странство. За да ја зачува приватноста, Данило Вучиќ отпатува во Холандија на романтичен викенд, каде е фотографиран на улиците на Амстердам додека се шета со мистериозна девојка.
Иако се гледа само од грбот, на многумина оваа атрактивна русокоса девојка им заличи на српската пејачка Милица Павловиќ.
А потоа самата Милица додаде масло на огнот кога на Инстаграм се пофали дека е во Амстердам. Со самото тоа што потоа бргу ја избришала фотографијата на која е во секси црн фустан со ознака дека е во Амстердам, пејачката дополнитело го подгреа сомнежот дека е во врска со Данило кој од неа е помлад шест години.
Сепак, многумина најдоа „важен доказ“ дека сепак се работи за пејачката. Детал, чантата која ја има на двете независни фотографии направени во Амстердам, пренесува српски „хелоу“.
