Синот на Весна и Ѓоле Ѓогани, Адријано Ѓогани, денес го прославува својот 20. роденден. По тој повод, семејството го одбележа празникот со наздравување со шампањ.
За специјалната пригода, Адријано избра елегантен стил. Тој носеше бела кошула во комбинација со темносини панталони, а фотографиите од прославата покажуваат дека роденденот бил одбележан во опуштена семејна атмосфера.
Интересно е што само еден ден претходно, неговиот татко Ѓоле Ѓогани го прослави својот 66. роденден на истото место. Познатиот брачен пар моментално е на годишен одмор, а Весна го изненадила сопругот со шампањ.
По повод роденденот, Адријано доби честитка и од својата сестра Нина Ѓогани, која на социјалните мрежи сподели нивна заедничка фотографија.
„Среќен роденден на моето мало братче. Те сакам многу“, напиша Нина покрај објавата.
