Северина го гледаше натпреварот против Англичаните во високо друштво и високи потпетици
Пејачката Северина Вучковиќ го гледала натпреварот помеѓу Хрватска и Англија во резиденцијата на британскиот амбасадор и сè споделила со своите следбеници на социјалните мрежи.
Северина вчера пристигнала во резиденцијата на британскиот амбасадор, каде што било организирано заедничко гледање на натпреварот помеѓу Хрватска и Англија. Со неа во друштво биле хрватската инфлуенсерка Нина Скочак и најмладата државна секретарка во Хрватска, 33-годишната Невенка Ластриќ-Ѓуриќ.
Северина за оваа пригода во Британската амбасада била облечена од глава до пети во црвени или бели парчиња и носела маица со популарни „коцки“ и хрватскиот грб, имала црвени високи потпетици, а најголемото внимание во комбинацијата го украла чантата од марката „Сен Лоран“, која чини 2.500 евра.
View this post on Instagram
– Сигурно сте ги забележале предуховитите објави на британскиот амбасадор во Загреб? Тој зборува хрватски, веќе знае повеќе за нас отколку ние за себе… Имав чест да бидам гостинка на Неговата Екселенција @javedpatelfcdo на приемот во резиденцијата @ukincroatia по повод роденденот на Кралот – напишала пејачката во објавата.
– Бидејќи по приемот следеше меѓусебен „судир“ меѓу нашите два тима, се откажав од британските дизајнери и се одлучив за нашата црвено-бела комбинација. Беше прекрасно, премногу жешко, многу прекрасни луѓе… Се сретнав и со моите „кумашини“, пилоти на чија класа бев кума во 1998 година – додала таа.
Имено, заедничкото гледање на играта, како и забавата во градината, биле организирани од Британската амбасада како дел од прославата на официјалниот роденден на кралот Чарлс Трети.
