Познатиот фудбалер Дејвид Бекам и неговата сопруга Викторија преку „Инстаграм“ им го честитаа Божик на своите следбеници, а еден детаљ им падна во очи на многумина обожаватели на славната двојка.
Двојката на фотографијата позираат со синовите Ромео, Бруклин и Круз и со ќерката Харпер покрај огромна елка. За таа пригода, семејство се дотерало во свечена облека.
Сепак, еден детаљ ги одвлече вниманието на нивните бројни следбеници од празничната семејна идила. Имено, многумина забележале дека Дејвид стои на прсти за да биде малку повисок покрај своите синови кои го надраснале.
View this post on Instagram
„Одлична фотографија, особено г-дин Бекам како стои на прсти“, „Дали некој друг забележа дека Дејвид стои на прсти за да биде повисок?“, „Дејвид Бекам стои на прсти за да биде повисок од неговиот син Ромео – ова е најдоброто нешто го видов денес“, се некои од многуте коментари на објаватa.
