Пејачката Александра Младеновиќ деновиве ужива во Дубаи, а со најновата објава на социјалните мрежи предизвика вистинска лавина коментари.
Таа позираше на брод, облечена во впечатливо црно бикини со несекојдневен крој, надополнето со шешир и очила за сонце. Насмеана и опуштена, пејачката го поздрави новиот месец со кратката порака: „Здраво, февруари“.
Фотографијата за кратко време собра бројни лајкови и комплименти, а следбениците не штедеа пофалби за нејзиниот изглед и самодоверба.
Инаку, ова доаѓа по неодамнешниот период кога Александра откри дека имала хируршка интервенција, по што се огласи и ги информираше фановите за својата здравствена состојба. Очигледно, сега го користи времето за одмор и полнење батерии, далеку од работните обврски.
