Мајката на Маријана и Росана, Гордана Сариќ се откажала од својот младешки сон за да им се посвети на децата и на домот.
Гордана е убава и негувана дама и денес, а како помлада, таа била прогласена за Мис во Куманово, за што во една прилика пишуваше фејсбук-страницата „Кумановски муабети“.
– Во двете сали на хотел „Кристал“, Аероклубот од Куманово организирал „Сина вечер“ со допадлива и лесна програма. Најголем интерес кај присутните на приредбата предизвикал изборот на убавица. Жири -омисијата за убавица на 1962 година ја прогласиле Гордана Стојановска, ученичка од трета година при Учителската школа- напиша порталот.
Но, мајката на Маријана Новачевска и на Росана Сариќ Тодоровска како и на Мирослав Сариќ кој е за жал, починат, за да им се посвети на децата се откажала од својот сон и не сакала да се занимава со манекенство, а тоа била желба и на нејзиниот татко.
– Нашата мајка беше убавица на Куманово таа година. Ја молеле потоа да се пријави за Мис на Македонија, но сфаќањата на нашиот покоен дедо беа во стилот: „Не, никако, што ќе кажат луѓето?“ Знаете, во тоа време беше „баук“ жена да оди на такви избори.
Мајка ми заврши за учителка и набрзо се омажи и нè доби мене и сестра ми, а подоцна и нашиот брат, Мирослав кој за жал ненадејно нѐ напушти и не зави во огромна болка и тага. И така, мајка ми на некој начин се откажа од нејзината професија за доброто за нас, на нејзините деца – рече во една прилика во „Женски магазин“ Росана.
