Убави вести на социјалните мрежи сподели Дани Димитровска, уникатната поп-рок пејачка која е на сцената 25 години. Дани се омажи за својот долгогодишен партнер, поранешниот кошаркар Весел со кого живее.
Во јуни, Весел ја побара Дани за жена, а пејачката на својот Инстаграм профил објави заедничка слика на која таа е со свршенички прстен.
До сликата од венчавката, Дани само кусо напиша: Госпоѓа и господин. На другата слика е и нејзиниот син Лазар кој дојде од Холандија и уште една млада девојка. Може да се забележи дека најсреќен и најнасмеан на сликата е токму Лазар. Дани е облечена шик бела комбинација, панталони и блуза.
Минатата година, во подкастот „Тивка врева“ на Петар Младеновски-Пеце од „Супехикс“, Дани раскажа дека станала мајка на 21 година, и пораснала заедно со својот син. Тој минатата година ги заврши студиите на Универзитетот за применети науки Fontys во Ајндховен, Холандија, а во јуни годинава, Дани се пофали дека магистрирал.
Ова е втор брак на Дани, првиот ѝ беше со таткото на Лазар, Јоцо, за кој претходно изјави дека ѝ бил најдобар другар, се знаеле од деца, и живееле во иста населба. Се разделиле кога и двајцата сфатиле дека подобро им оди како пријатели.
