75-годишниот американски актер Ричард Гир се појави на хуманитарната amfAR гала вечер во Венеција, придружуван од неговата 41-годишна сопруга Алехандра Силва, пишува Хелоу.
Двојката изгледаше многу гламурозно. Ричард избра црн смокинг, бела кошула и црна пеперутка-вратоврска. Алехандра носеше проѕирен мрежест фустан со темносини цветни детали.
Richard Gere, 75, looks dapper as he joins son Homer, 24, and glamorous wife Alejandra Silva, 41, at amfAR Gala during Venice Film Festival https://t.co/qurKbdQRnA
— Daily Mail Celebrity (@DailyMailCeleb) September 1, 2024
Парот присуствуваше и на премиерата на филмот „Волци“ на црвениот тепих, за кој беше потребна промена на гардеробата. Силва за таа прилика облече бел вечерен фустан со асиметричен шлиц во комбинација со метални чевли со високи потпетици. Косата ја носеше распуштена.
Richard Gere turns Venice Film Festival into a family affair as he celebrates 75th birthday with wife Alejandra Silva, 41, before attending event with son Homer, 24 https://t.co/vYXUOVz4Rt
— Daily Mail Celebrity (@DailyMailCeleb) September 1, 2024
На една од фотографиите на црвениот тепих пред премиерата на филмот, Гир е виден како клекнува и се поклонува на својата сопруга додека таа го гледа.
Во одреден момент им се придружува и синот на Гир, Хомер. Како и неговиот татко, тој го избра истиот стил – елегантен смокинг и пеперутка-вратоврска.
Richard Gere stepped out for the 77th annual Cannes Film Festival with his wife Alejandra Silva and his eldest son, Homer. https://t.co/NQDUI49VTu
— Us Weekly (@usweekly) May 19, 2024
Хомер е син на Ричард и неговата поранешна сопруга, манекенката Кери Лоуел, со која се ожени во 2002 година. Неговите родители му дадоа име на момчето по неговите баба и дедо, како и тибетското име „Џигме“, кое е негово средно име. Двојката се разведе во 2013 година, по 11 години брак, но и покрај тоа, врската на Ричард со Хомер остана силна, а таткото и синот често се видени заедно на разни настани.
Во 2018 година, Гир се ожени со Шпанката Силва по две години врска. Двојката ги има синовите Александар и Џејмс, кои сега имаат пет, односно четири години. Ричард и Алехандра планираат да се преселат во Шпанија со своите синови, како што беше претходно најавено. Според актерот, неговата сопруга се жртвувала многу за него и се преселила во САД. Сега дојде редот тој да живее во татковината на неговата сопруга. Тој е воодушевен од Шпанија и исто така се радува на овој потег. Минатата година беа забележани како бараат куќа во Мадрид.
