Српскиот рапер Стефан Ѓуриќ – Раста, кој со години беше препознатлив по суканиците, неодамна се појави со целосно нов изглед, кој предизвика бројни позитивни реакции.
Најновата фотографија што ја објави на социјалните мрежи открива дека раперот не само што ја скратил косата, туку и значително ослабел, а многумина забележаа дека го променил и стилот на облекување.
View this post on Instagram
Наместо лежерните комбинации по кои беше препознатлив, овојпат Раста позираше во елегантна светла кошула и панталони во ист тон. Изгледот го надополни со уредно стилизирана брада, кратка фризура и очила.
Објавата за кратко време собра голем број реакции, а особено внимание привлече потегот на неговата поранешна сопруга, пејачката Ана Николиќ. Таа беше меѓу првите што ја лајкуваа фотографијата, што не остана незабележано од нивните следбеници.
View this post on Instagram
Многумина го протолкуваа нејзиниот гест како доказ дека, и покрај бурното минато, поранешните сопружници денес имаат коректен однос. И двајцата во неколку наврати истакнале дека најважна им е нивната ќерка Тара и дека се трудат да одржат добра комуникација поради неа.
Инаку, Ана Николиќ моментално е во врска со композиторот Горан Ратковиќ – Рале. Неодамна таа предизвика внимание на социјалните мрежи кога објави фотографии на кои позира со атрактивен, тетовиран маж, но подоцна се покажа дека станува збор за слики создадени со помош на вештачка интелигенција.
