Поранешната финска премиерка Сана Марин со најновата објава на Инстаграм предизвика лавина реакции. Некои корисници на оваа социјална мрежа пишуваат дека таа е „згодна жена“, додека други сметаат дека не е соодветно за почитичарка да се фотографира со „гол задник“.
Сана, која моментално работи како консултант во Институтот „Тони Блер“, објави серија фотографии наречена „Случајни фотографии од последните патувања“, а меѓу нив има и фотографии од прошетка, со пријателите на кафе, но и од нејзиното позирање во танга.
Токму нејзиниот задник стана главна тема во сите медиуми во Скандинавија.
„Сана објави фотографии од патувањето – во бикини на плажа“, пишува Is.fi
„Марин објави фотографија во бикини – леле каква убавица од плажа“, стои во насловот на текстот објавен од Seiska.fi.
Бројни корисници на социјалните мрежи се согласија дека никогаш во историјата на државата немале поубава премиерка, но на некои им пречи тоа што таа позира во оскудно облечена облека, односно во минијатурно бикини, и сметаат дека претерала со новата објава. .
„Дали си навистина среќна во самотниот живот кога објавуваш вакви работи“, гласи еден од бројните коментари.
„Ова не ти требаше!“, напишаа многумина.
Ова не е првпат Марин да се најде на мета на критики поради несоодветна облека, забавување на приватни журки, секси танцување и слично.
