Фустанот што пејачката Ејми Вајнхаус го носеше за нејзиниот последен настап, беше продаден во неделата за 243.200 долари, 16 пати повеќе од проценетата вредност од 15.000 долари.
Вајнхаус на последниот концерт во Белград во 2011 година носеше зелено-црн фустан со принт од бамбуси. Еден месец подоцна, на 23 јули, таа почина од акутно труење со алкохол на 27-годишна возраст. Нејзината смрт беше кулминација на долгата и често многу јавна борба со алкохолот и дрогата.
Фустанот беше врв на колекцијата од 800 артикли на лични предмети, почнувајќи од градници и ДВД-а до книги и шминка што ги продаваа родителите на Вајнхаус, Мич и Џенис. Целата колекција донесе 4 милиони долари, двојно повеќе од првичните прогнози, според аукциската куќа „Julien’s“, која управува со продажбата.
Последниот концертен фустан на Ејми Вајнхаус беше дизајниран од Наоми Пари. Двојката соработуваше на колекција од 11 облеки за претстојна европска турнеја на Ејми. Но, таа ноќ во јуни 2011 година Ејми вознемирена ја напушти сцената. Поради тоа нејзината турнеја беше откажана, а убавите комбинации речиси и не беа облечени.
View this post on Instagram
View this post on Instagram
