За Јелена Спенџарска, како и за многумина од нас важи онаа старата „дома си е дома“, па така познатата наша водителка и инфлуенсерка ужива во својата родна куќа, во Берово. Претходно, таа објави видео од мајка ѝ како се враќа од пат, а ја пречекуваат таа и татко ѝ во прегратка.
Пред да замине дома во Берово, Јелена беше во Истанбул со својата колешка Сања Савеска од емисијата „Брза кујна“, па во Скопје од каде што објавуваше слики од студиото на Канал 5, а сега си е во родната куќа од каде што потекнува.
На една од сликите, додека го пие првото утринско кафе во градината со цвеќе, Спенџарска напиша: „Сценарио: Дома, во двор, Берово, сонце пече ама таман, не премногу, јас и мама сме сами, пиеме кафе..
Си муабетиме што треба да реновираме нешто кај баба дома, и што ќе доручкуваме. Животот е убав“, напиша Јелена а потоа изненади со уште една слика од својата градина.
На сликата е домат, домашно одгледуван, а Јелена гордо напишала: Од нашата градина.
