Турската актерка Фахрије Евџен сподели нови фотографии од семејниот летен одмор, на кои позира со сопругот Бурак Озчивит и нивните синови Каран и Керем.
Ѕвездите на турските серии, кои публиката ги памети по улогите на Неџла и Бали-бег, по напорниот работен период заминаа на заслужен одмор покрај море, каде што уживаат во мирни семејни моменти.
На фотографиите се гледа како парот се шета по плажа, се релаксира крај морето и поминува време со своите деца. На дел од снимките Бурак ја фотографира Фахрије, а семејството не ја крие блискоста и добрата атмосфера.
Фахрије привлече внимание и со својот природен изглед. Без впечатлива шминка и во едноставни летни комбинации, актерката доби бројни комплименти од следбениците, кои ја пофалија нејзината природна убавина и елегантен стил.
