Хрватската пејачка Данијела Мартиновиќ својот 55. роденден не го одбележа со голема прослава и бучна забава. Наместо тоа, таа избра поинаков начин – денот го помина во Марија Бистрица, во Светилиштето на Мајката Божја Бистричка.
Пејачката сподели фотографии од посетата и откри дека овој роденден за неа имал посебно значење.
View this post on Instagram
„Овој роденден по многу нешта беше посебен за мене, па така и го прославив – посебно, поинаку, тивко, а свечено. Ви благодарам од срце за сите прекрасни честитки и желби“, напиша Мартиновиќ.
По повод 55-от роденден, пејачката се потсети и на интересна приказна поврзана со нејзиното име, која датира уште пред нејзиното раѓање.
View this post on Instagram
Таа откри дека можела да се вика Делајла, бидејќи нејзината мајка многу ја сакала песната „Мај, мај, мај, Делајла“ од Том Џонс.
„Пред точно 55 години светот за малку ќе добиеше девојче по име Делајла, а таа Делајла требаше да бидам јас, бидејќи мајка ми ја обожаваше песната на Том Џонс. За среќа, Божјите планови биле поинакви“, раскажа пејачката.
Како што објасни Мартиновиќ, одлуката за името се променила во еден сосема случаен момент. Нејзината мајка се обраќала на немирно двегодишно девојче, обидувајќи се да го смири, повторувајќи: „Данијела… Данијела“. Потоа го погалила стомакот и рекла: „Ти ќе бидеш Данијела“.
Така, наместо името инспирирано од познатата песна, пејачката го добила името по кое денес ја препознаваат нејзините обожаватели.
