Меган Маркл се врати во јавност облечена во бело на првиот настан во 2022 година. Одбра костум од Валентино, италијанска луксузна модна марка.
Војводите од Сасекс се вратија во јавноста: по тајната посета на кралицата Елизабета тие одлетаа на Игрите Инвиктус, каде Меган Маркл покажа елегантен и безвременски изглед.
За големото јавно враќање, Меган Маркл се потпре на софистицирана класика: бел костум со панталони, карактеристичен по сакото со копчиња во двоен ред, но и со правилно одбрани модни додатоци.
Меган ја поздрави публиката пред натпреварот насмеана и беспрекорно облечена како и секогаш, со коса во меки бранови над рамениците и ѓердан со златен привезок.
Костумот е потпишан од Валентино, италијанска луксузна модна марка, омилена на војвотката. Сакото и панталоните чинат 1.200 евра. Изгледот е заокружен со бели Валентино чевли на висока потпетица и нежна мала бела чантичка со златни детали, од истата марка.
View this post on Instagram
