По борбата со тешката болест, денес почина познатиот музичар Масимо Савиќ.
Од него се простија многубројните колеги и пријатели.
Савиќ беше хрватски кантавтор и поп рок пејач. Зад себе остави голем белег и во музиката и во компонирањето и пишувањето. Беше одличен музичар, а оние што го познаваат велат дека бил и голем човек. Сепак, животот не го фаворизираше Масимо. Имал тешко детство, а тоа се одразило и во еден период од животот, кога се препуштил на наркотици.
– Кога моите родители се разделија имав три години, татко ми доби леукемија и почина кога имав шест години, а дотогаш тој веќе беше во вториот брак.
Не ја прифаќам премисата „кој бил малтретиран ќе стане силеџија“. Јас сум дете на разведени родители, па ќе ја имам истата судбина – не верувам во тоа. Кај мене е обратно – изјави своевремено Масимо.
View this post on Instagram
Во еден период од животот Масимо Савиќ бил зависник од наркотици, но во борбата му помогнала сопругата Ени која го изнела на вистинскиот пат.
Масимо еднаш раскажа интересна приказна за тоа како ја запросил Ена. Имено, додека таа спиела, тој и го измерил прстенот, отишол во град и купил веренички прстен. Кога се вратил дома, клекнал на едното колено и ја замолил да му биде сопруга.
Со неа беше во брак повеќе од 30 години, а во бракот ја добија ќерката Мирна.
