Највлијателната српска инфлуенсерка, Тамара Калиниќ, сподели видео во една од венчаниците што ги носеше на бајковитата свадба на брегот на езерото Комо, а објавата брзо предизвика лавина од реакции на социјалните мрежи.
Меѓу стотиците честитки и комплименти, се издвои коментарот на американската медиумска ѕвезда Крис Џенер, мајка на старлетата Ким Кардашијан, која не го криеше својот воодушевување.
– Прекрасна – напиша Крис Џенер со неколку срца, а нејзиниот коментар веднаш привлече големо внимание од следбениците.
Тамара се омажи за богатиот италијански бизнисмен Филипо Тесто на раскошна церемонија одржана во познатата Вила Пицо на италијанското езеро Комо.
Свадбата беше обвиткана во тајност со месеци, па датумот, локацијата и списокот на гости беа внимателно чувани до самиот настан.
На церемонијата присуствуваа околу 100 гости од целиот свет, вклучувајќи членови на семејството, пријатели и бројни светски познати личности. Познатата манекенка Наоми Кемпбел, исто така, привлече посебно внимание.
View this post on Instagram
За време на церемонијата, Тамара носеше две венчаници од престижни светски модни куќи. Првата беше поелегантна и со затворен крој, додека втората, со горен дел во форма на корсет, ги истакнуваше деколтето и вратот.
На крајот од вечерта, младенците, во согласност со традицијата, пресекоа четирикатна торта со минималистички дизајн, со што ја заокружија гламурозната прослава.
