Водителката Лила Филиповска сподели емотивно сеќавање на својот инстаграм-профил, враќајќи се три години наназад – во периодот кога, по тешката битка со ракот, повторно се појави во јавноста.
Лила објави фотографија од настан, направена веднаш по завршувањето на хемотерапиите, кога носеше кратка коса – промена која беше видлива последица од лекувањето, но и симбол на нејзината сила и нов почеток. До фотографијата кратко напиша: „пред три години…“, потсетувајќи на еден од најтешките, но и најзначајни периоди од нејзиниот живот.
Лила во 2022 година јавно откри дека се соочила со рак на дојка – дијагноза што ја чувала во приватност додека траел најтешкиот дел од лекувањето. Подоцна отворено зборуваше за операцијата, хемотерапиите и психолошката борба низ која поминувала, признавајќи дека имало моменти на страв, неизвесност и физичка исцрпеност.
Во повеќе наврати таа истакна дека поддршката од семејството, пријателите и јавноста ѝ помогнала да остане силна, а своето искуство го споделуваше со цел да им даде храброст и надеж на жените кои се соочуваат со слична дијагноза.
Денес, три години подоцна, фотографијата што ја сподели не е само потсетник на еден тежок период, туку и сведоштво за победа, истрајност и нова животна сила. Кратката коса, која тогаш беше знак на последиците од терапијата, денес е дел од приказната за една голема лична победа.
