Британскиот крал Чарлс Трети и кралицата Камила ја претставија својата прва божиќна честитка во новите улоги. Фотографијата ја споделува официјалниот профил на кралското семејство на Инстаграм.
„Оваа година, официјалната божиќна честитка содржи фотографија на кралот и кралицата направена во собата на тронот во Бакингемската палата на Денот на крунисувањето“, забележуваат претставниците на модерната монархија.
Автор на фотографијата е Хуго Бернанд.
На честитката пишува „Ви посакуваме Среќен Божиќ и Среќна Нова Година“.
View this post on Instagram
Кралот Чарлс III стана нов британски монарх веднаш по смртта на неговата мајка, кралицата Елизабета Втора, на 8 септември 2022 година. Сепак, официјалното крунисување се одржа на 6 мај 2023 година во Вестминстерската опатија.
Крунисана е и сопругата на најстариот син на покојната кралица, Камила Паркер.
По Чарлс III, неговиот син Вилијам е прв во редот за тронот. Следни се неговите деца (принцот Џорџ, принцезата Шарлот и принцот Луис). Местото за тронот на принцот Хари е после наследниците на неговиот постар брат.
