Пејачката беше мета на критики од корисниците на Инстаграм кои коментираа видео од некој концерт.
Пејачката Александра Пријовиќ уште откако се појави на натпреварот „Ѕвезде Гранда“ не остана незабележана, а за тоа е виновен нејзиниот глас кој уште оттогаш воодушеви многумина.
Прија годинава направи вистински „бум“ на регионалната сцена, одржа три концерти во Арената во Белград и пет концерти во Арената во Загреб. Александра заедно со публиката ги отпеа своите бројни хитови, а многу колеги ја поддржаа и гостуваа на бината заедно со неа.
Сега на социјалната мрежа Инстаграм се појави видео на кое Александра пее без придружба на музички инструменти.
View this post on Instagram
Додека коментарите под видеото беа главно позитивни, имаше и повеќе негативни коментари од корисниците на Инстаграм кои очигледно не се обожаватели на музиката на Прија.
– „Не ми е јасно кој го слуша ова“, „Која е оваа, навистина не можам да сфатам како распродаде пет концерти во Загреб“, „Девојката е катастрофа“, „Завива како коза“, „Бљак“, „Морам да кажам дека ова што се слуша не е ништо добро“… – гласат дел од коментарите.
Мислењата се поделени, но дефинитивно успехот на Александра Пријовиќ не може да се оспори, а доказ за тоа се бројните хитови, концерти, труд и време што пејачката ги вложи во кариерата.
