По Евровизија, Ана Ѓуриќ Констракта речиси се повлече од јавноста, а сега со постирана фотографија на Инстаграм го привлече вниманието на обожавателите.
Уметницата Ана Ѓуриќ Констракта, која ја освои публиката со својот музички талент и креатовност, но и со искреноста и скромноста, неодамна откри дека не знае уште колку ќе пее, а по Евровизија истакна дека едвај чека да се врати на своето многу помирно секојдневие.
На Инстаграм таа сподели токму таков еден мирен момент од својот живот, што предизвика лавина од ентузијастички реакции, и поради тоа што ретко објавува фотографии, и затоа што уште еднаш покажа колку е единствена.
Ѓуриќ објави фотографија од плажа, но за разлика од повеќето нејзини колешки, таа не позираше во провокативен костим за капење, туку напротив, облечена во црна тренерка со качулка над главата, додека до неа лежеа две девојки во бикини.
Ана Ѓуриќ Констракта го привлече вниманието на публиката како пејачка на бендот „Земља Грува“, а потоа со високото петто место на овогодинешната Евровизија со песната „Ин Корпоре Сано“ за која навиваше целиот Балкан.
