56-годишната американска манекенка и актерка Памела Андерсон ненадејно ги смени оскудните костими за капење и смелите деколтирани фустани за стилизирани модни комбинации кои ја истакнаа нејзината природна убавина.
Памела е заштитно лице на новата колекција Babaton Fall ’23 на канадскиот бренд Aritzia. Актерката на својата Инстаграм страница го сподели бекстејџот од снимањето на фотосесија.
„Чест ми е што сум дел од кампањата есен/зима 2023 на Aritzia Babaton. Не само што ги делиме истите корени од BC (Британска Колумбија), туку споделуваме и лежерна естетика – тие ме прават да се чувствувам целосно удобно и самоуверено без да го загрозат мојот индивидуален стил“, вели Памела за соработката.
View this post on Instagram
Рекламната кампања е снимена во нејзиниот дом покрај океанот во нејзиниот роден град Лејдисмит, што можеби изгледа непропорционално со елегантните костуми на колекцијата, но сепак, има и смисла и порака.
„Косењето трева во деловен костум имаше смисла за мене: градината е мојата канцеларија. Тоа беше забавниот дел и затоа беше толку прекрасно и природно искуство“.
