Калиопи најави дека ќе идржи два концерта наесен во Скопје, и тоа акустични. Едниот ќе биде на 14 ноември, а вториот на 6 декември во салата на Филхармонија.
Неодамна, таа повторно доби потврда дека нејзината музика допира до срцата на сите генерации. Овојпат, инспирацијата дојде од плажите на Хвар, каде што девојче по име Мила од Зрењанин, Србија, предизвика емоции со својата интерпретација на евровизиската балада „Црно и бело“.
Изведбата бргу стана популарна на социјалните мрежи и стигна и до самата Калиопи, која не остана рамнодушна и го сподели видеото на својот профил со зборот „Љубов“ и направи колаборација со оригиналната објава.
Додека се подготвува за скопските концерти, Калиопи настапѕва низ регионот како и претходните години, а една специфична случка ѝ се случи во Србија.
Калиопи имаше успешен настап во Ивањица, пред многу публика која пеела заедно со неа. Според сликите на Инста профилот, нашата музичка ѕвезда се раскомоти на сцената. Од виските потпетици, таа облече патики за поголема удобност на сцената, а и двата чифта обувки одговаат на стајлингот кој Калиопи го избра за овој настап.
