Ја разгледуваме еволуцијата на изгледот и стилот на сопругата на британскиот крал Чарлс Трети: од „богата домаќинка“ до елегантната кралица.
View this post on Instagram
Во нејзините неколку децении како дел од Британското кралско семејство, сегашната кралица Консорт Камила значително го промени својот стил. Да се потсетиме на трансформациите, на што точно и како работеле кралските стилисти и креаторите на имиџ.
View this post on Instagram
Од природни локни до елегантна фризура
Камила првпат се појави во јавноста кон крајот на 60-тите и раните 70-ти години, кога се појавија гласините за нејзината можна романса со принцот Чарлс. Во тоа време, косата на идната кралица беше природна и не толку средена, разбранувана и со прамени „расфрлени“ на сите страни.
„Чарлс отсекогаш ги сакал природните прамени на Камила. Кога првпат се сретнале, нејзината коса била разбушавена, несредена и разнесена од ветрот“, изјави своевремено кралската биографка Ингрид Севард, цитирана од Дејли Меил.
View this post on Instagram
Фризурата на Камила почна да се менува дури во 2000-тите, кога таа сè почесто се вклучуваше во кралските настани. Пред нејзината венчавка со Чарлс во 2005 година, идната кралица ја промени бојата на косата, трансформирајќи ја во „постудена“ нијанса, малку ја промени фризурата и почна редовно да ја стилизира.
„Камила е голема обожавателка на стилот на фризури од 1970-те и никогаш не отстапи од тој стил. Сепак, направи очигледни промени со текот на времето и сега е препознатлива по уредната женствена боб фризура“, објасни стилистот Том Смит за „Меил онлајн“.
View this post on Instagram
Обновување на гардеробата
Како и нејзината фризура, така и гардеробата на Камила претрпе трансформација, можеби дури и многу позабележителна.
View this post on Instagram
View this post on Instagram
Кога првпат се појави во медиумите, нејзиниот стил повеќе наликуваше на богата рурална домаќинка: фармерки, широки џемпери, удобни јакни. Но откога стана сопруга на наследникот на британскиот трон, Камила мораше да ја ревидира целата гардероба. Опуштената облека беше комплетно заменета со совршено скроени фустани по мерка и класични, но елегантни палта, кои ја истакнуваат фигурата на кралицата. Но сепак, кога е настрана од службените должности, Камила сè уште си дозволува релаксиран изглед, носејќи ги своите омилени едноставни џемпери, сомотски панталони и фармерки.
View this post on Instagram
View this post on Instagram
Меѓутоа, ако приликата сепак подразбира фустан, Камила не се плаши да блесне – за свечени приеми таа избира луксузни вечерни фустани со макси должина и длабоки нијанси: од смарагдна до бордо.
View this post on Instagram
Импресивен накит
Од бракот со Чарлс, Камила има импресивна колекција накит. Се вели дека дијадемите, брошевите, ѓерданите и обетките вредат повеќе од милион фунти. Меѓу целиот гламурен накит, посебно место зазема колекцијата бисерни ѓердани кои ѝ се посебна слабост и редовно ги носи. Се разбира, и бисерните ѓердани се дополнително украсени со скапоцени и полускапоцени камења.
View this post on Instagram
Гласините велат дека некои од нејините омилени ѓердани ѝ припаѓале на прабабата на Камила, Алис Кепел, последната и најпозната љубовница на кралот Едвард VII.
Интересно е што неколку пати Камила е фотографирана со еден исклучителен брош, скапоцено парче накит. Станува збор за брош што принцезата Александра од Данска го добила како свадбен подарок во далечната 1863 година, кога се омажила за тогашниот принц, а подоцна и крал Едвард VII. Истиот брош, подарен од кралицата Елизабета Втора на принцезата Дијана, Дијана го носела во 1986 година за време на официјалната посета на Виена.
View this post on Instagram
Токму поради овој брош, обожавателите на покојната принцеза беа лути поради одлуката накитот на Дијана да ѝ се предаде на Камила, која им го „растурила бракот на Дијана и Чарлс“. Некои од обожавателите на покојната принцеза отидоа и чекор подалеку со критиките – дека носењето накит на Дијана е неуспешен обид на сопругата на Чарлс барем малку да личи на најомилената принцеза досега.
