Љубовта на пејачката Анета Љумаковска и на нејзиниот сакан Рубин Размо „цвета“, а пејачката и нејзиниот колега не се одвојуваат еден од друг и често споделуваат убави заеднички моменти.
На новото видео што го споделија на Инстаграм, Анета пее, а Рубин прво вљубено ја гледа, а потоа со насмевка позира додека таа настапува.
Пејачката пред неколку месеци изјави дека за првпат во животот е вистински вљубена.
Претходно, тие беа заедно во Рим и се фотографираа покрај познатиот Колосеум, а покрај фотографијата, емотиконите со срце и начинот на кој се снимени откри дека се во голема љубов.
Рубин е инаку поранешен член на групата „Молика“ и свири саксофон, а сега настапува со својата сакана.
– Што се однесува до тоа дали сум повторно вљубена и дали имам некој во мојот живот, еве сега решив да се изјаснам и јавно да им ставам крај на шпекулациите – да, вљубена сум, но не повторно, туку за првпат во мојот живот – изјави Анета за „Гламур магазин“.
