Македонската актерка Амернис Нокшиќи пред неколку дена го прослави својот роденден во друштво на ќерките и најблиските пријатели.
На социјалните мрежи таа сподели видео на кое ја дува свеќичката на роденденската торта, како и неколку фотографии преку кои покажа дел од атмосферата на прославата.
Под објавата се нижеа бројни роденденски честитки, а меѓу оние што ѝ упатија убави желби беше и македонската пејачка Каролина Гочева.
„Среќна, најсреќна убавице!“, напиша Каролина во коментар.
View this post on Instagram
Со својата природна убавина и шарм, Нокшиќи остава впечаток дека годините за неа се само бројка. Иако се приближува кон шестата деценија од животот, актерката изгледа речиси непроменето во споредба со периодот од пред дваесетина години.
Актерката, која зад себе има бројни филмски и телевизиски улоги, е мајка на две ќерки, Бора и Каја, кои ги има од бракот со новинарот Борјан Јовановски.
