Страшно злосторство се случи вчера во Градачац, кога Нермин Сулејмановиќ ја убил својата невенчана сопруга, која претходно брутално ја претепал, а сето тоа го пренесувал во живо на Инстаграм. Потоа убил уште две лица, татко и син, и ранил уште тројца.
Целиот регион е во шок од монструозноста на овој човек, кој подоцна, опкружен од полицијата, се самоуби.
На социјалните мрежи се шири апел и повик на протест по повод овој немил настан, бидејќи несреќната жена, како што пренесуваат медиумите, пријавила семејно насилство.
Овој случај ја потресе Босна и Херцеговина но и целиот регион, па многу познати личности проговорија за трагичниот настан.
„Жена, сопруга, мајка, убиена е зашто пријавила насилство. Градачац 11.8.2023. Ожалостени: граѓани и граѓанки на Босна и Херцеговина“, пишува во објавата која масовно се споделува на социјалните мрежи од страна на босанските пејачи, естрадни уметници, глумци.
